Xeroperformance. Workshop con Paulo Bruscky

Xeroperformance. Workshop con Paulo Bruscky

  • Entidades Organizadoras

    Fundacion Luis Seoane
  • A traxectoria de Paulo Bruscky (Recife, Brasil, 1949) abrangue máis de catro décadas de práctica artística nas que este creador, considerado como un dos artistas contemporáneos máis importantes do Brasil, desenvolveu unha obra cuxo eixo central é a comunicación como ferramenta de expresión artística e crítica social grazas ao emprego e á experimentación con medios como o mail art, do que é pioneiro, a arte sonora, o vídeo, a performance, os libros de artista, o cine, o xerox-art, o collage, as instalacións, as accións específicas, a fotografía, as tarxetas postais, os anuncios clasificados ou a poesía, sempre coa súa cidade natal, Recife, como referente histórico, cultural, social, xeográfico e urbanístico. Vinculado nos seus inicios ao movemento Fluxus, os comezos de Bruscky como artista coinciden co golpe de estado que sufriu Brasil en 1964, tras o que se establecería un réxime dictatorial no país que se extendería ata o ano 1985, un período chave na obra do artista, a través da que desenvolvería unha crítica da situación política e social imposta á poboación polos militares, sempre desde unha perspectiva irónica na que o humor absurdo e o enxeño serven como ferramentas de denuncia. Neste contexto, a utilización do mail art facíase esencial como medio para evadir o control gubernamental, así como para establecer, partindo dun punto de vista local, un sistema de comunicación que permitise intercambiar diferentes propostas con outros creadores a través dunha rede global. En 1976, Bruscky organiza a primeira exposición de mail art en Brasil, clausurada polas autoridades, e en 1981, a primeira mostra de street art, ambas en Recife. Performances como O que e a arte? Para que serve?, na que o artista introducíase no escaparate dunha libraría cun cartel colgado ao pescozo no que interpelaba aos transeúntes acerca do significado e a función da arte, ilustran á perfección a natureza do traballo dun creador cuxa obra baséase na difusión de mensaxes e na participación do espectador nas súas accións, para o que non existe diferencia entre vida privada e arte e para o que a arte é unha forma determinada de percibir a nosa contorna. Durante o mes de outubro, a Universidade Internacional Menéndez Pelayo e a Fundación Luis Seoane ofrecerán a oportunidade de participar, por vez primeira en España, nun dos seus célebres talleres, unha Xeroperformance que se desenvolverá ao longo de tres días, martes 24, mércores 25 e xoves 26, durante os que artista e participantes reflexionarán acerca do concepto de autoría e nos que se experimentará coas posibilidades do medio para rexistrar o movemento.

  • Horario

    http://www.uimp.es/agenda-link.html?id_actividad=63SS&anyaca=2017-18
  • Dónde

    Fundacion Luis Seoane / A Coruña, España

  • Profesionales que participan en Xeroperformance. Workshop con Paulo Bruscky

     

     



Recibe alertas de eventos como éste

ArtCity

Descárgate ArtCity, la app que te dice que exposiciones tienes cerca.

descargar